Կրեմլը բացասաբար է վերաբերվում ՌԴ որոշ քաղաքացների համար Հայաստան մուտքի արգելքին. Պեսկով
Կրեմլը բացասաբար է վերաբերվում լրագրող Արամ Գաբրելյանովի և այլ ռուսաստանյան մեդիամենեջերների՝ Հայաստան մուտքի արգելքին, Մոսկվայի և Երևանի բարեկամական հարաբերությունները պետք է զերծ պահել նման դեպքերից։ Այս մասին հայտարարել է ՌԴ նախագահի խոսնակ Դմիտրի Պեսկովը:
«Անկեղծ ասած, մենք դրան բացասաբար ենք վերաբերվում։ Հայաստանը մեր մեծ բարեկամն է, դաշնակիցը, ռազմավարական գործընկերը։ Եվ, իհարկե, երկկողմ հարաբերությունների մակարդակն ու բնույթը մեզ պարտավորեցնում է նման դեպքերից զերծ մնալ։ Հուսով ենք, որ տեսանելի ապագայում մեր երկկողմ հարաբերությունները զերծ կլինեն նման դեպքերից»,-ասել է Պեսկովը՝ պատասխանելով այն հարցին, թե ինչպես են Կրեմլում վերաբերվում նրան, որ որոշ ռուս լրագրողների, ռուսամետ դիրքորոշում ունեցող մեդիամենեջերների արգելում են մուտք գործել բարեկամ երկիր։
Բացի Գաբրելյանովի հետ կապված իրավիճակից՝ հիշատակվել է «Ռոսիա սեգոդնյա» մեդիախմբի եւ RT հեռուստաալիքի գլխավոր խմբագիր Մարգարիտա Սիմոնյանի հաղորդագրությունն այն մասին, որ իրեն նույնպես արգելված է մուտք գործել Հայաստան։
Ռուսաստանցի լրագրող եւ հրատարակիչ, «Նյուզ մեդիա» հոլդինգի հիմնադիր Արամ Գաբրելյանովին արգելել են մուտք գործել Հայաստան, եւ նա հայտնվել է անցանկալի անձանց ցուցակում:
Երրորդ համաշխարհային պատերազմը սկսվեց. Զալուժնի
Արգիշտի Քյարամյանը՝ ՊՎԾ պետ. Նիկոլ Փաշինյանը որոշում ունի
Բա ես ու իմ կարգավիճակի մարդիկ ի՞նչ անեն․ Սոֆյա Հովսեփյան
Սա տգիտությունից բացի նաև ստորություն է. Լեւոն Քոչարյանը՝ Փաշինյանի աղմկահարուց հայտարարության մասին
Գեներալ Կարակաևը Պուտինի հետ խորհրդակցությունում. ռուսական «Орешник»-ն ի վիճակի է թիրախներ խոցել ամբ...
Պաշտոնանկության երկրորդ ալիքն էլ է լինելու. հաջորդը ովքե՞ր են SMS ստանալու
«Արտաշատի» ԲԿ-ի շուրջ սկանդալային զարգացումներ են
Աչքալուսանք վարորդներին. Նոր արագաչափ է տեղադրվել
Դժբախտ պատահարի հետևանքով մահացել է կարատեի առաջնությունների բազմակի չեմպիոն Մկրտիչ Ղազարյանը
Սեփական սխալներն ուրիշների վրա բարդելու հերթական «շուստրիություն»