Բալիում կխստացնեն հսկողությունը զբոսաշրջիկների վարքի եւ հագուստի նկատմամբ
Բալիի զբոսաշրջության խորհուրդը նախատեսում է արշավ սկսել՝ կոչ անելով օտարերկրյա այցելուներին հարգել տեղական մշակութային սովորությունները, հայտնում է Travel Weekly-ն։
Բալիի Զբոսաշրջության խորհրդի նախագահ Իդա Ագունգ Պարտա Ադնյանան պատմել է, որ տասը մեծ գովազդային վահանակներ կտեղադրվեն հանրահայտ առողջարաններում եւ շրջաններում, ինչպիսիք են Կուտան, Սեմինյակը, Լեգիանը, Չանգուն,Ուբուդը, Սանուրը, Նուսա Դուան եւ Ուլուվատուն։ Գրությունները կլինեն անգլերեն, իսկ հետագայում նաեւ մյուս լեզուներով։
«Զբոսաշրջիկները պետք է հարգեն բալիցիների մշակութային սովորույթները, համեստ հագնվեն, հետեւեն երթեւեկության կանոններին եւ չանեն այն, ինչ արգելված է Բալիում` բիզնես վարեն կամ աշխատանք փնտրեն այստեղ», - մեջբերում է պաշտոնյայի խոսքը The Bali Sun-ը: