Հայաստանի վրա լուրջ ճնշում կգործադրեն՝ Ռուսաստանի հետ համագործակցությունը կրճատելու նպատակով․ գերմանացի քաղաքագետ
Հայաստանի վրա լուրջ ճնշում կգործադրեն՝ Ռուսաստանի հետ համագործակցությունը կրճատելու նպատակով։ Այս մասին NEWS.am-ի հետ զրույցում ասաց գերմանացի քաղաքագետ Ալեքսանդր Ռարը։
«Եթե դիտարկենք վերջերս ԵՄ-ի ընդունած տասներորդ պատժամիջոցների փաթեթը, ապա այն հիմնականում ուղղված է այն երկրների չեզոքացմանը եւ նույնիսկ պատժմանը, որոնք, չնայած պատժամիջոցներին, փորձում են համագործակցել Ռուսաստանի հետ»,-նշեց նա։
Հիշեցնենք, որ փետրվարի վերջին Եվրամիությունն ընդունել է Ռուսաստանի դեմ պատժամիջոցների տասներորդ փաթեթը։ Նոր սահմանափակող միջոցները զգալի սահմանափակումներ են նախատեսում ներմուծման եւ արտահանման, բանկային հատվածի, երկակի նշանակության տեխնոլոգիաների հասանելիության համար։ ԵՄ խորհուրդը որոշում է կայացրել նաեւ արգելել ԵՄ-ից արտահանվող երկակի նշանակության ապրանքների եւ տեխնոլոգիաների տարանցումը Ռուսաստանի տարածքով։
Մարտի 9-ին ռուսական ԶԼՄ-ները հայտնել են, որ Թուրքիան հանկարծակի դադարեցրել է պատժամիջոցային բեռների տարանցումը Ռուսաստան։ Հաղորդվում է նաեւ ԱՄԷ-ի վրա ճնշման մասին՝ որպես Ռուսաստան էլեկտրոնիկայի մատակարարման կենտրոն։
Ալեքսանդր Ռարը կարծում է, որ Հայաստանի վրա էլ ճնշում կգործադրվի, որպեսզի նա նվազեցնի համագործակցությունը Ռուսաստանի հետ, եւ այդ ճնշումը փոքր չի լինի։ «Կարծում եմ՝ դրանով կզբաղվեն ամերիկացիները, ինչով նրանք արդեն զբաղվում են Կենտրոնական Ասիայում։ Դրանով նրանք զբաղվելու են նաեւ Հարավային Կովկասում»,-հավելեց փորձագետը։
Հիշեցնենք, որ Գերմանիայի կանցլեր Օլաֆ Շոլցը մարտի 2-ին Բեռլինում ՀՀ վարչապետ Նիկոլ Փաշինյանի հետ համատեղ ճեպազրույցի ժամանակ՝ պատասխանելով այն դիտարկմանը, թե Ռուսաստանի հետ Հայաստանի առեւտրաշրջանառությունն ավելացել է, ինչը կարող է լինել ՌԴ-ի դեմ պատժամիջոցները շրջանցելու մաս, հայտարարել է. «Մենք հետեւում ենք էկոնոմիկայի թվերին, բայց մեզ համար կարեւոր են ոչ միայն համեմատությունները նայել, մենք հույս ունենք, որ այդ սկզբունքները պահպանվում են»։
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մակրոնը և Սթարմերը Ուկրաինայի հարցով հանդիպում են հրավիրել
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Հանրապետության առանձին շրջաններում սպասվում է կարճատև անձրև և ամպրոպ