Մինչեւ 2035թ. մոլորակի մարդկանց կեսից ավելին ավելորդ քաշ կունենա
Մինչեւ 2035թ. ավելորդ քաշ կամ ճարպակալում կունենա մոլորակի բնակչության կեսից ավելին՝ 4 մլրդ մարդ։ Այժմ այդ խնդրի պատճառով տառապում է Երկիր մոլորակի բնակչության 38 տոկոսը՝ 2,6 մլրդ մարդ, գրել է The Guardian-ը՝ հղում կատարելով Ճարպակալման համաշխարհային դաշնության հետազոտությանը։
Ամենից արագ ավելանում է ճարպակալում ունեցող երեխաների եւ երիտասարդների թիվը։ Սպասվում է, որ 12 տարի հետո այդ ցուցանիշն առնվազն երկու անգամ ավելին կլինի, քան 2020թ.։
Ամբողջ աշխարհում ճարպակալման տարածումը փորձագետները կապում են անառողջ սննդի, կլիմայական վատ իրավիճակի, կորոնավիրուսային սահմանափակումների եւ քիմիական աղտոտիչների հետ։