Եգիպտոսում պեղումների ժամանակ հռոմեացի կայսեր դեմքով սֆինքսի արձան են հայտնաբերել
Եգիպտոսի Քենա նահանգում հնագիտական պեղումների ժամանակ հայտնաբերվել է սֆինքսի արձանը, որը պատկերում է, հավանաբար, հռոմեացի կայսր Կլավդիոսին, հայտնում է զբոսաշրջության եւ հնությունների նախարարությունը:
Նշվում է, որ Այն-Շամսի համալսարանի հնագիտական առաքելությունը, որը գլխավորում է հնությունների նախկին նախարար Մամդուհ ադ-Դամաթին, կարողացել է Հռոմեական կայսրության ժամանակների տաղավար գտնել Դենդերա տաճարային համալիրից արեւելք:
Հետազոտողը հայտնել է, որ կրաքարից պատրաստված արձանը հայտնաբերվել է մաքրման աշխատանքների ժամանակ։ Նրա խոսքով՝ նրա դեմքի նախնական զննումը ցույց է տվել, որ դա Կլավդիոս կայսեր կերպարն է։
Նշվում է, որ արձանի տակ հաջողվել է գտնել Հռոմեական կայսրության ժամանակների նկար, որը նկարված է հիերոգլիֆներով եւ դեմոտիկ գրությամբ: