Հոգեբանները նշել են այն մարդկանց տեսակը, որոնք հարաբերություններում մանիպուլյացիաների են հակված
Մարիա Գժեգոժեւսկայայի անվան հատուկ մանկավարժության ակադեմիայի հոգեբանները Լեհաստանում ապացուցել են, որ մութ եռյակի անհատականության գծերը կապված են հարաբերություններում մանիպուլյացիաների օգտագործման հետ: Հետազոտության արդյունքները հրապարակվել են Personality and Individual Differences ամսագրում։
Մութ եռյակը բնորոշվում է բացասական գծերով՝ նարցիսիզմ, մաքիավելիզմ եւ փսիխոպատիա։ Նարցիսիզմը կապված է մեծամտության, ինքնասիրահարվածության եւ էմպատիայի բացակայության հետ։ Մաքիավելիզմը ներառում է մանիպուլյատիվություն եւ ուրիշներին շահագործելու ցանկություն, ինչպես նաեւ բարոյականության եւ խաբեության ցինիկ անտեսում: Փսիխոպատիայի հիմնական հատկանիշներն են հակասոցիալական վարքագիծը, իմպուլսիվությունը, եսասիրությունը եւ անսրտությունը:
Հետազոտության համար հեղինակները հրավիրել են 171 կամավորի: Նրանք կատարել են հարցում, որի ընթացքում հետազոտողները կարողացել են գնահատել մասնակիցների ագրեսիվության մակարդակը, ռոմանտիկ հարաբերություններում մանիպուլյացիաների կիրառման հաճախականությունը, ինչպես նաեւ պարզել, թե որքանով են արտահայտված մութ եռյակի գծերը մասնակիցների մեջ:
«Արդյունքները ցույց են տալիս, որ մաքիավելիզմը, նարցիսիզմը եւ ագրեսիվությունը դրականորեն կապված են մանիպուլյատիվ ազդեցության մեթոդների կիրառման հակվածության հետ»,- նշում են գիտնականները:
Լույսն ամենաթանկ նվերն է, որ կարող ես տալ մարդուն
Առաջին նոր երգ` հարսանիքից հետո
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Z համաշխարհային պատերազմը վերադառնում է
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Ով կներկայացնի Հայաստանն այս տարի «Մանկական Եվրատեսիլ» մրցույթում
Դեպի Երևան․ ինչպե՞ս (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...