Ուկրաինայում պատերազմի պատճառով մոտ 5 մլն հա գյուղատնտեսական հողեր օգտագործելի չեն

Ուկրաինայում մոտ 5 մլն հա գյուղատնտեսական հողեր առայժմ օգտագործման համար պիտանի չեն ականապատված, պայթուցիկ նյութերի մնացորդներով աղտոտված լինելու կամ շարունակվող մարտական գործողությունների պատճառով։ Այս մասին ասել է Գերագույն ռադայի Ագրարային կոմիտեի ղեկավար Ալեքսանդր Գայդուն՝ հղում կատարելով մարզային ռազմական կառույցներին, տեղեկացրել է Корреспондент.net-ը։

«Օրինակ, աշնանացան մշակաբույսեր ցանվել են ընդամենը 4,5 մլն հեկտար մակերեսի վրա, չնայած անցած տարի այդ մշակաբույսերը ցանվել էին 7,7 հեկտար տարածքում։ Դա ուղղակիորեն ազդում է երկրի պարենային կայունության վրա։ Ուստի, այսօր մեր առաջնահերթ խնդիրն է միջազգային գործընկերների օգնությամբ ստեղծել պայմաններ փոքր եւ միջին գյուղատնտեսների հողերի ականազերծման համար, որոնք դա ինքնուրույն անելու հնարավորություն չունեն»,- ընդգծել է պատգամավորը։

Նա ավելացրել է, որ ՄԱԿ-ի Պարենային եւ գյուղատնտեսական կազմակերպության ներկայացուցիչները նախատեսում են 2023թ. մոտ 50 մլն դոլար հատկացնել ականազերծման մեքենայացված միջոցներ գնելու եւ այդ միջոցների օպերատորներ պատրաստելու համար՝ ուկրաինական հողերը մաքրելու նպատակով։

Այս թեմայով Ուկրաինան ԵՄ-ին խնդրել է ամսական 250 000 հրետանային արկ մատակարարել Բայդենը խոստացել է Ուկրաինային տրամադրել մոտ 700 տանկ և հազարավոր զրահատեխնիկա Ուկրաինայի փոխվարչապետ Վերեշչուկը Արտյոմովսկի բնակիչներին կոչ է արել անհապաղ տարհանվել Վաշինգտոնը ծրագրում է 9,9 միլիարդ դոլարի չափով լրացուցիչ բյուջետային աջակցություն տրամադրել Կիեւին Պուտինը կարող է հաղթել առաջիկա շաբաթներին․ Լեհաստանի նախագահ