Իտալիայում փնտրում են Սարդինիայի բանտից սավաններով փախած «Գնդակ» մականունով մաֆիոզին
Իտալացի կարաբինիերներն արդեն մի քանի օր է՝ փնտրում են մաֆիոզ Մարկո Ռադուանոյին, որը Սարդինիայի բանտից փախել է սավաններով, գրում է Corriere della Sera թերթը։ Ռադուանոյի փախուստը ֆիքսել են տեսախցիկները։
Նա պատով իջել է՝ կապկպված սավաններով, ապա ոչ մեծ բարձրությունից ընկել գետնին եւ անհետացել գյուղական տեղանքում: Նուորո քաղաքի խիստ ռեժիմի բանտի վարչակազմը դատախազության հետ համատեղ ներքին հետաքննություն է սկսել, որի ընթացքում պարզվել է, որ Ռադուանոն, շրջանցելով կանոնները, սավաններ է «կուտակել»: Նրա մոտ եղել են նաեւ բանալիներ, որոնք թույլ են տվել մաֆիոզներին խցից մտնել բանտի բակ։
Նշվում է, որ քաղաքում անհայտ անձինք հրավառություն են կազմակերպել նրա փախուստի պատվին։ Ռադուանոն պետք է ազատ արձակվեր միայն 2046 թվականին։