Իսրայելում ահաբեկիչների համար մահապատժի մասին օրենք են ընդունել
Իսրայելի Քնեսեթը նախնական ընթերցմամբ հավանություն է տվել օրինագծին, որով առաջարկվում է մահապատիժ սահմանել ահաբեկիչների համար, հաղորդում է Իսրայելի խորհրդարանի մամուլի ծառայությունը:
Գերատեսչության տվյալներով՝ այսօր քվեարկության ընթացքում մահապատժի մասին առաջարկին հավանություն է տվել 55 պատգամավոր։ Ինը դեմ է քվեարկել:
Այժմ փաստաթուղթը կուղարկեն Քնեսեթի պրոֆիլային կոմիտե, որտեղ այն կպատրաստեն առաջին ընթերցման։
The Jerusalem Post-ի տեղեկություններով՝ ի նշան բողոքի քվեարկությանը բացակայում էր ընդդիմության մեծամասնությունը՝ նախկին վարչապետ Յայիր Լապիդի գլխավորությամբ։