Heinz-ը նոր նավակ կնվիրի տղամարդուն, որը մեկ ամիս ծովում կետչուպով սնվելով ողջ է մնացել
Heinz food ընկերությունը կապ է հաստատել փրկված Էլվիս Ֆրանսուայի հետ, որը գրեթե մեկ ամիս գոյատեւել է Կարիբյան ծովում՝ սնվելով կետչուպով եւ արգանակի խորանարդիկներով եւ առաջարկել է նրան նոր առագաստանավ նվիրել, հաղորդում է The Guardian-ը։
Հիշեցնենք, որ դեկտեմբերին հզոր փոթորիկը Ֆրանսուային փոքր առագաստանավով քշել էր Կարիբյան ծով՝ նավը պոկելով նավահանգստից, որտեղ տղամարդը վերանորոգում էր այն։ Ֆրանսուան նշել է, որ մասնագիտությամբ նավաստի չէ, ուստի չի կարողացել ինքնուրույն կառավարել առագաստանավը եւ 24 օր անցկացրել է բաց ծովում։
Երբ Heinz food ընկերությունը հասկացել է, որ նա գոյատեւել է իրենց կետչուպի շնորհիվ, ընկերությունը փորձել է գտնել նրան եւ նոր նավ նվիրել: