Ռուսաստանը ձեռքերը լվաց Վարդանյանի հարցում, իսկ դա Կովկասում օգուտ չի բերում. Զատուլին
Ես սա, իհարկե, սա գնահատում եմ որպես այն ճնշման հետեւանք, որը գործադրվել է նախեւառաջ Ադրբեջանի կողմից ոչ միայն Ռուբեն Վարդանյանի եւ Լեռնային Ղարաբաղի, այլեւ հայկական կողմի վրա, սկզբունքորեն, որը չպաշտպանեց Վարդանյանին։ Այս մասին «Говорит Москва» ռադիոկայանին տված հարցազրույցում ասել է Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը։
Նա ափսոսանք է հայտնել, քանի որ Վարդանյանի հայտնվելը կարեւոր է ոչ միայն ինքնին, այլեւ այն հույս է ներշնչում Լեռնային Ղարաբաղի տառապյալ բնակչությանը, որ ինքը չի լքվի։
«Նա բորբոքեց այդ հույսերը, եւ նրա հրաժարականն, իհարկե, կվնասի դրան եւ շատերին կդրդի, որ ոտքով քվեարկեն, այսինքն հեռանան Լեռնային Ղարաբաղից՝ թողնելով իրենց պապերի հողը։ Սա ողբերգական ելք է, առաջինը չէ հայ ժողովրդի պատմության մեջ։ Ես չեմ ուզում պահանջներ ներկայացնել անձամբ Վարդանյանին. նա, ըստ երեւույթին, պետք է բոլոր խնդիրները կշռադատեր այս պաշտոնն ընդունելուց առաջ։ Ըստ ամենայնի, նա թերագնահատել է իր վրա ճնշում գործադրելու աստիճանը»,- նշել է Զատուլինը։ Պատգամավորը կարծում է, որ այստեղ մի փոքր կշտամբանք կարելի է ուղղել նաեւ Ռուսաստանի Դաշնությանը, որին անվերջ դիմում էին պահանջներով, որ Ռուբեն Վարդանյանին տանենք, որպեսզի ստիպենք հեռանալ այնտեղից։
«Այն բանից հետո, երբ Վարդանյանը թողեց ՌԴ քաղաքացիությունը, որպեսզի դառնա Հայաստանի քաղաքացի, մենք պաշտոնական պատասխան ունեինք, որ կապ չունենք Վարդանյանի, նրա կարիերայի ծրագրերի հետ։ Կարծում եմ, որ այս դեպքում մենք էլ ենք տվել պաշտոնական պատասխաններ եւ չենք ցանկացել վիճաբանել ադրբեջանական կողմի հետ, ձեռքերը լվացել ենք Պոնտացի Պիղատոսի պես։ Կովկասում ձեռքերը լվացողի դիրքն ապագայում, ցավոք, օգուտ չի բերում ձեռքերը լվացողին։ Սա չփարատեց ադրբեջանական եւ թուրքական կողմերի կասկածները, նրանք շարունակում էին պնդել դա եւ նույնիսկ վերջերս Լաչինի միջանցքի բացումը կապեցին Վարդանյանի պաշտոնը լքելու հետ։ Այս պահանջն իրականում մի տեսակ կիսապաշտոնական բնույթ էր կրում։ Կարծում եմ, որ հիմա, այս ամենից հետո կարող ենք պարզել, թե այդպես է արդյոք իրականում, կբացվի արդյոք Լաչինի միջանցքը, կվերացնեն արդյոք Լաչինի միջանցքի շրջափակումը Ադրբեջանի, այսպես կոչված, բնապահպանները, որոնք, իհարկե, ոչ մի բնապահպաններ էլ չեն, դրանք վերահսկվում են Բաքվից»,- ընդգծել է Զատուլինը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները