Գերմանիայի ԱԳՆ-ն խորհուրդ չի տալիս ուղեւորվել Ռուսաստան
Գերմանիայի արտաքին գործերի նախարարությունը նախազգուշացրել է Բելգորոդի, Բրյանսկի, Վորոնեժի, Կուրսկի եւ Ռոստովի մարզեր, ինչպես մաեւ Կրասնոդարի երկրամաս այցելությունների մասին. սրանք ռուսական այն շրջաններն են, որոնք սահմանակից են Ուկրաինային։
Գերմանիայի արտաքին քաղաքական գերատեսչությունն իր քաղաքացիներին կոչ է արել հատկապես զգոն լինել, ինչպես նաեւ խուսափել մարդկանց մեծ կուտակումներից՝ նշելով, որ փետրվարի 20-26-ը Ռուսաստանի կառավարությունը նախատեսում է մի շարք միջոցառումներ։ Բեռլինն ընդհանուր առմամբ խորհուրդ չի տալիս ուղեւորություններ կատարել ՌԴ, նշվել է Գերմանիայի ԱԳՆ-ի կայքում, տեղեկացրել է DW-ն։