Չինաստանում հայրը վատ գնահատականների պատճառով սամուրայի թրով սպանել է որդուն

Չինաստանում միայնակ հայրը սամուրայի թրով սպանել է 13-ամյա որդուն՝ դպրոցում վատ սովորելու պատճառով, գրել է South China Morning Post-ը՝ հղում կատարելով դատարանին։

«Չինաստանի հարավ-արեւմուտքում միայնակ հայրը 12 տարվա ազատազրկման է դատապարտվել այն պատճառով, որ պատահաբար թրով խփել է դեռահաս որդուն այն բանից հետո, երբ փորձերը, որ տղան ավելի լավ սովորի, անհաջողության են մատնվել»,- նշված է հոդվածում։

Տեղեկացվել է, որ միջադեպը տեղի է ունեցել այն բանից հետո, երբ Յան Ցզյունմինը օնլայն-ժողով է անցկացրել որդու ուսուցչի հետ։ Տղայի հորը պատմել էին, որ տղան վատ է սովորում եւ տեղեկացրել, որ երեխան ֆիզկուլտուրայից ընդամենը 18 միավոր է ստացել 100-ից։ Յան Ցզյունմինը որդուն մեղադրել է այն բանում, որ նա «շատ ծույլ է եւ այնքան էլ լավ չի սովորում»։

«Ես այնպես կատաղեցի, որ վերցրի ճապոնական սամուրայական թուրն ու առաջ գնացի, որ խփեմ նրան»,- պարբերականը մեջբերել է դատարանի դահլիճում հոր արտասանած խոսքերը։

Յան Ցզյունմինը կնոջից բաժանվել է մի քանի տարի առաջ։ Նա դատարանում նշել է, որ բաժանվել է կնոջից, որովհետեւ դավաճանել է նրան։ Նա հայտարարել է, որ թուրը գնել է ինտերնետ-խանութում, քանի որ ցանկանում էր սամուրայական դաշույնների հավաքածու ունենալ։

Դատաբժշկական փորձաքննությունը պարզել է, որ տղան ուրիշ՝ նախկինում հասցված վնասվածքներ էլ է ունեցել, որոնք վկայել են այն մասին, որ մահվանից առաջ նրան մի քանի անգամ ծեծել են։ Այս պատահարը լայն արձագանք է առաջացրել Չինաստանում։