Ռուսաստանի դեմ Արեւմուտքի հիբրիդային պատերազմի նպատակը այն իզգոյ երկրի վերածելն է. Լավրով
Այսօրվա դրությամբ Ռուսաստանի դեմ Արեւմուտքի հիբրիդային պատերազմի նպատակը այն իզգոյ երկրի վերածելն է, ասել է Ռուսաստանի արտաքին գործերի նախարար Սերգեյ Լավրովը, տեղեկացրել է «Московский комсомолец»-ը։
Նրա խոսքով՝ այդ նպատակի իրականացման համար օգտագործվում են ուկրաինացի «նացիոնալ-արմատականները»։
«Այսօր ԱՄՆ-ն եւ նրա արբանյակները մեր դեմ իրականացնում են երկար տարիներ նախապատրաստված համընդգրկուն հիբրիդային պատերազմ՝ որպես խոցման միջոց օգտագործելով ուկրաինացի նացիոնալ-արմատականներին»,- ասել է դիվանագետը։
Լավրովը նաեւ նշել է, որ Արեւմուտքի նպատակը հիբրիդային պատերազմում ոչ միայն Ռուսաստանին պարտության մատնելն է մարտադաշտում, այլեւ նրա տնտեսության քայքայումը, ինչպես նաեւ երկիրը «սանիտարական կորդոնով» սահմանազատելը։