Ավինյան-Փափազյան հերթական փուչիկը պայթեց ԱԺ-ում. հարկատուների գումարներով ստեղծված «Fly Arna»-ն եկամտաբեր չէ
Հայկական ավիացիան շարունակում է գտնվել ծանր վիճակում:
Որևէ մեկի համար գաղտնիք չէ, որ Քաղավիացիայի երբեմնի ղեկավար և Երևանի դե ֆակտո քաղաքապետ Տիգրան Ավինյանի հովանավորյալ Տաթևիկ Ռևազյանի բուռն ջանքերով Հայաստանը հայտնվել էր ԵՄ «սև» ցուցակում, ինչը նշանակում է՝ հայկական օդանավերի մուտքը Եվրոպայի օդային տարածք արգելված է: Միաժամանակ այդ ընթացքում Հայաստանում «Հայաստանի պետական հետաքրքրությունների ֆոնդ» ՓԲԸ-ի (ԱՆԻՖ) հովանու ներքո ստեղծվում էր նոր ավիաընկերություն:
Խոսքը «Fly Arna» («Ֆլայ Արնա») ավիաընկերության մասին է:
Հիշեցնենք, որ ԱՆԻՖ-ի գործադիր տնօրենը Դավիթ Փափազյանն է՝ նախկին արտգործնախարար Վահան Փափազյանի որդին, իսկ տնօրենների խորհրդի ղեկավարը՝ Տիգրան Ավինյանը, որը պետք է իբր թե զարկ տար ավիացիայի ոլորտի զարգացմանը:
Ի դեպ, Դավիթ Փափազյանը նաև «Ֆլայ Արնա» ընկերության Խորհրդի նախագահն է:
Սակայն, ինչպես ասում են, շաբաթն ուրբաթից շուտ եկավ, և կրկին պայթեց հերթական փուչիկը:
Այսօր Ազգային ժողովում (ԱԺ) քննարկվում էր «Ավիացիայի մասին» ՀՀ օրենքը, և Տարածքային կառավարման և ենթակառուցվածքների (ՏԿԵ) համապատասխան փոխնախարար Արմեն Սիմոնյանը, ներկայացնելով նախորդ տարվա վիճակագրությունը, ակամայից պայթեցրեց Ավինյան-Փափազյան դուետի հերթական փուչիկը։
Մասնավորապես, շատ հանկարծակի պարզվեց, որ ՀՀ-ի պատմության մեջ «աննախադեպ» համարվող «Fly Arna»-ն նույնիսկ չի մտնում ուղևորահոսքերի փոխադրման ծավալով 10 առաջատար ընկերությունների մեջ:
Ավելին, ՀՀ-ում այս պահին գործող 5 հայկական ավիափոխադրողների մեջ ծավալով նախավերջինն է՝ 78711 ուղևորներով։ Նորությունն այնքան շոկային էր ՔՊ-ականների համար, որ Սիսակ Գաբրիելյանը ճշգրտող հարց տվեց փոխնախարարին՝ ներեցեք, իսկ «Flay Arna»-ն չկա՞ այդ ցանկում:
Ի պատասխան՝ փոխնախարարն արդարացավ, թե ավիաընկերությունը 6 ամիս է գործում, ապա էլ ավելի բարդացրեց իրավիճակը, երբ վիճակագրություն հրապարակեց, ըստ որի, ինչպես արդեն նշեցինք, անգամ հայկական ավիափոխադրողների մեջ էր «Fly Arna»-ն հետնապահ:
Ի դեպ, արձագանքելով, Սիսակ Գաբրիելյանն իր համաձայնությունը չհայտնեց բերվող պատճառաբանությանը, ընդհակառակը, ասաց՝ մտածելու բան ունեն, որովհետև նույնչափ գործող այլ ավիաընկերություն, որը պետական ֆինանսավորում չունի, ավելի լավ արդյունքներ է ապահովել:
Այս նորությունն այսքան ցավալի չէր լինի, եթե տվյալ ավիաընկերությունը՝ «Fly Arna»-ն, չունենար պետական մասնաբաժին:
Հիշեցնենք, որ ՀՀ բյուջեն 10 մլն ԱՄՆ դոլարին համարժեք գումար էր ներդրել այս ավիաընկերության ստեղծման համար՝ այդ գումարը վերցնելով բառացիորեն հպարտ քաղաքացիների գրպանից:
Ստացվում է, որ այս նախագիծը փողերի հերթական աննպատակ վատնում էր՝ հանուն Ավինյան-Ռևազյան զույգի անձնական մանկամիտ ամբիցիաների բավարարման:
Եթե կան մասնավոր ընկերություններ, որոնք բավականին արդյունավետ գործում են, ապա ինչի՞ համար էր անհրաժեշտ մեր գրպանից միլիոնավոր դրամներ ներդնել և մրցակցության մեջ մտնել մի դաշտում, որում ակնհայտ պարտվելու ես:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները