«Wednesday»-ի հեղինակները կիսվել են երկրորդ եթերաշրջանի ծրագրերով

«Wednesday»-ի ստեղծողներ Ալֆրեդ Գոֆը եւ Մայլս Միլարը The Hollywood Reporter-ին տված հարցազրույցում կիսվել են շոուի հնարավոր երկրորդ եթերաշրջանի պլաններով:

«Մենք ցանկանում ենք ապագայում հետազոտել եւ բարդացնել այս բոլոր հարաբերությունները [Wednesday-ի, Քսավյեի, Էնիդի, Բիանկայի եւ այլ ուսանողների միջեւ]: Նեվերմոր դպրոցը փակվեց, երբ նրանք հեռացան, ինչը մեզ երկրորդ եթերաշրջանի համար մեծ հնարավորություն տվեց։ Ես կարծում եմ, որ դա մի բան է, որ մենք հետաքրքրությամբ կուսումնասիրենք: Նաեւ մեզ համար դա իսկապես շոու է կանանց ընկերության մասին, եւ Wednesday-նու Էնիդը դրա կենտրոնում են: Անչափ հաճելի էր այն փաստը, որ նրանք իրական կապ գտան հանդիսատեսի հետ։ Մենք անհամբեր սպասում ենք պարզելու, թե ինչպիսին կլինի այն հիմա, երբ Wednesday-ն իր «մատը մտցրեց ընկերության լողավազանը»։ Դա նրա մեծ կամարն էր ամբողջ առաջին սեզոնի համար, այնպես չէ՞: Այսպիսով, հիմա մենք դա ենք անում», - պատմել է Գոֆը:

Պրոդյուսերը նաեւ հավելել է, որ շոուի գրողները հետաքրքրված են Wednesday-ի եւ նրա մոր՝ Մորտիշա Ադամսի հարաբերություններում խորանալու հնարավորությամբ։