Ուկրաինան բրիտանական նոր՝ ավելի «մարդկային մոտեցմամբ» հրթիռ է ստացել
Ուկրաինան բրիտանական նոր՝ ավելի «մարդկային մոտեցմամբ» հրթիռ է ստացել: «Brimstone 2» հրթիռը բնօրինակ «Brimstone» օդային հակատանկային հրթիռի ավելի հեռահար տարբերակն է, որն արդեն ծառայության է դրվել ուկրաինական ուժերում: Դրա առանձնահատկություններից է՝ անձի կողմից թիրախավորումը, գրում է BI-ն։
Մեծ Բրիտանիայի պաշտպանության նախարարությունը հաստատել է, որ հրթիռները մատակարարվել են Ուկրաինային։
Առաջին Brimstone հրթիռը, որը մշակվել է եվրոպական հրթիռներ արտադրող MBDA ընկերության կողմից, հիմնված է ԱՄՆ-ի արտադրության Hellfire հակատանկային հրթիռի վրա։ Այն առաջին անգամ տեղակայվել է թագավորական օդուժի կողմից 2005 թվականին եւ օգտագործվել Իրաքի, Աֆղանստանի եւ Լիբիայի պատերազմների ժամանակ։
Brimstone 2-ը հագեցած է կիսակտիվ լազերային գլխիկով, ինչը հրթիռին թույլ է տալիս հասնել թիրախի, որը մարդը լուսավորել է լազերային նշանով: Այն ունի նաեւ երկար հեռահարություն՝ ըստ տեղեկությունների 25-ից 37 մղոն: