Թուրքմենստանը կշարունակի էլեկտրաէներգիա մատակարարել Աֆղանստանին
Թուրքմենստանը կշարունակի էլեկտրաէներգիա մատակարարել Աֆղանստանին, հաղորդում են թուրքմենական լրատվամիջոցները։
Մասնավորապես, «Թուրքմենէներգո» պետական էլեկտրաէներգետիկական կորպորացիային թույլատրվել է պայմանագիր կնքել աֆղանական «Da Afghanistan Breshna Sherkat» ընկերության հետ կնքված պայմանագրերի երկարաձգման մասին։ Ընկերությանը թույլատրվում է նաեւ սահմանել մատակարարվող էլեկտրաէներգիայի ծավալներն ու գները։
Այս մասին հրամանագիրը ստորագրել է Թուրքմենստանի նախագահ Սերդար Բերդիմուհամեդովը։ Տարիներ շարունակ Թուրքմենստանը արտոնյալ գներով էլեկտրաէներգիա է մատակարարում Աֆղանստանի հյուսիսային շրջաններին։
Բացի Աֆղանստանից՝ Թուրքմենստանը էլեկտրաէներգիա է մատակարարում Իրանին, Ուզբեկստանին եւ Ղրղըզստանին։