Ռուսաստանը կաջակցի եւ կկատարելագործի իր միջուկային տրիադայի մարտունակությունը․ Պուտին
Ռուսաստանը կաջակցի եւ կկատարելագործի իր միջուկային տրիադայի մարտունակությունը։ Այս մասին հայտարարել է ՌԴ նախագահ Վլադիմիր Պուտինը պաշտպանության նախարարության կոլեգիայի ընդլայնված նիստում, հաղորդում է ՏԱՍՍ-ը։
«Դա մեր ինքնիշխանության եւ տարածքային ամբողջականության, ռազմավարական հավասարության, աշխարհում ուժերի ընդհանուր հավասարակշռության պահպանման գլխավոր երաշխիքն է»,-ասել է նա։
«Այս տարի ռազմավարական միջուկային ուժերի սպառազինության ժամանակակից նմուշների մակարդակն արդեն գերազանցել է 91 տոկոսը։ Շարունակվում է Ռուսաստանի զինված ուժերի ռազմավարական նշանակության հրթիռային զորքերի գնդերի՝ «Ավանգարդ» հիպերձայնային մարտական մասով ժամանակակից հրթիռային համալիրով վերազինումը»,-հավելել է Պուտինը։