Անգլիայի Բանկը ներկայացրել է Կառլ III-ի պատկերով թղթադրամների դիզայնը
Անգլիայի բանկը երեքշաբթի ներկայացրել է Մեծ Բրիտանիայի նոր թագավոր Կառլ III-ի պատկերով թղթադրամների դիզայնը: Ինչպես ասվում է բանկի կայքում հրապարակված հայտարարության մեջ, թագավորի դիմանկարը կհայտնվի պոլիմերային £5, £10, £20 եւ £50 թղթադրամների վրա:
Միապետի պրոֆիլը կցուցադրվի թղթադրամների դիմերեսին, ինչպես նաեւ Բիգ Բենի պատկերի կողքին։ Դիզայնի այլ փոփոխություններ չեն լինի: Հակառակ կողմը նույնպես կմնա նույնը:
Թագավորի պատկերով թղթադրամները, ինչպես սպասվում է, շրջանառության մեջ կդրվեն 2024 թվականի կեսերին։ Միեւնույն ժամանակ, դրանք կտպագրվեն միայն մաշվածները փոխարինելու եւ պահանջարկի ավելացման դեպքում։
Թագավոր Կառլ III-ի եւ հանգուցյալ թագուհի Եղիսաբեթ II-ի պատկերներով մետաղադրամներն ու թղթադրամները համատեղ շրջանառության մեջ կլինեն Մեծ Բրիտանիայում եւ այլ երկրներում, որոնց ղեկավարը դեռեւս պաշտոնապես մնում է բրիտանական միապետը: Կյանքից հեռացած Եղիսաբեթ II-ի դիմանկարով թղթադրամները օրինական վճարման միջոց կմնան այնքան ժամանակ, քանի դեռ չեն մաշվել կամ վնասվել: