Հնդկաստանի արտգործնախարարը հայտնել է Չինաստանի հետ սահմանին աննախադեպ թվով զինվորականներ տեղակայելու մասին
Հնդկաստանի արտգործնախարար Սուբրամանյամ Ջայշանկարը հայտնել է Չինաստանի հետ սահմանին աննախադեպ թվով զինվորականներ տեղակայելու մասին, հաղորդում է The Indian Express-ը։
Նրա խոսքով՝ դա արվել է Չինաստանի զորքերի տեղակայմանը դիմադրելու համար, որը զգալիորեն աճել է 2020 թվականից ի վեր:
Ջայշանկարը նաեւ ընդգծել է, որ Հնդկաստանի եւ երկրի զինվորականների պարտականությունն է թույլ չտալ որեւէ մեկին «միակողմանի կարգով փոխել փաստացի վերահսկողության գիծը», որը բաժանում է երկու պետությունները սահմանագծված սահմանի բացակայության պայմաններում։