Հայաստանում Ռուսաստանի իրական աջակցության կարիքն ունեն․ Զատուլին
Հայաստանում իրենց դաշնակից Ռուսաստանի խոսքային եւ իրական աջակցության կարիքն ունեն։ Այս մասին 168.am-ի թղթակցի հետ զրույցում ասել է ՌԴ Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը։
«Ես դրա օգտին եմ հանդես գալիս իմ ողջ քաղաքական կարիերայի ընթացքում: Ես միշտ կարծել եմ, որ Ռուսաստանն ու Հայաստանը դաշնակիցներ լինելու մոտիվացիա ունեն։ Բայց կա նաեւ Հայաստանի իշխանության պատասխանատվությունը դաշնակցային հարաբերությունների համար, եւ այստեղ նույնպես խոսելու բան կա։
Ռուսաստանը, չեմ թաքցնի, որոշակի զգուշավորություն է ցուցաբերում հայ-ադրբեջանական հարցերում, ակնկալում է խաղաղ ճանապարհով արդյունքի հասնել հասկանալի պատճառներով։
Այդ պատճառների թվում է ոչ միայն Ադրբեջանի եւ նրա թիկունքում կանգնած Թուրքիայի հետ ինչ-որ հարաբերություններ պահպանելու ցանկությունը, այլ նաեւ այն փաստը, որ Ռուսաստանը Ուկրաինայում տեղի ունեցող իրադարձությունների պատճառով առճակատման մեջ է Արեւմուտքի հետ, նա ռազմական գործողություններ է իրականացնում։ Այս տեսանկյունից կարելի է հասկանալ Ռուսաստանի դրությունը։ Թեեւ ես ամենեւին էլ չեմ փորձում այս կերպ մեր վրայից հանել մեր պարտականությունները կամ պարտավորությունները։
Ինչ վերաբերում է նրան, որ պետք է ավելի արագ, ավելի վճռական եւ ավելի որոշակի արձագանքել, այդ թվում՝ պաշտոնական հանրային մակարդակով կատարվածը արձանագրելու տեսանկյունից, ես համաձայն եմ դրա հետ։
Այդ մասին ես խոսել եմ սեպտեմբերին, երբ մարտեր էին ընթանում հայ-ադրբեջանական սահմանին»,- նշել է պատգամավորը։
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Բելգիայի դեսպանության բացման պաշտոնական արարողություն՝ Երևանում
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն