Ինչպես է Բրյուսելը Հայաստանի և Ադրբեջանի միջև դելիմիտացիա անցկացնում, եթե քարտեզները ՌԴ-ում են
Արևմտյան երկրները, ԵԱՀԿ Մինսկի խումբը ոչնչացնելուց հետո, փորձում են միջամտել Ռուսաստանի Դաշնության միջնորդական ջանքերին՝ բարելավելու Հայաստանի և Ադրբեջանի հարաբերությունները, բայց դա անարդյունավետ է ստացվում։ Այս մասին, ըստ ՌԻԱ Նովոստիի, մամուլի ասուլիսի ժամանակ ասել է ՌԴ ԱԳ նախարար Սերգեյ Լավրովը։
Ինչպես նշել է ռուս նախարարը, Ռուսաստանն օգնում է Հայաստանին և Ադրբեջանին սահմանների սահմանազատման հարցում և աջակցելու է Երևանի և Բաքվի միջև խաղաղության պայմանագրի համաձայնեցմանը։
«Զուգահեռաբար մենք նկատեցինք այլ խաղացողների կողմից այս գործընթացներին միջամտելու ջղաձգական փորձեր, մենք դրա հետ կապված որևէ խնդիր չենք ունեցել: Հատուկ գործողության մեկնարկից հետո արևմտյան երկրները` Վաշինգտոնի և Փարիզի միջոցով պաշտոնապես հայտարարեցին, որ չեն մասնակցելու Ռուսաստանի հետ որևէ ձևաչափի։ Այսպիսով նրանք ավարտին հասցրին ԵԱՀԿ Մինսկի խմբի գործունեությունը»,- ասել է Լավրովը մամուլի ասուլիսի ժամանակ։
Այժմ ֆրանսիացիները, ամերիկացիները և Եվրամիությունն ընդհանուր առմամբ, նրա խոսքերով, փորձում են «վերցնել և սեփականաշնորհել Ռուսաստանի մասնակցությամբ կողմերի ձեռք բերած պայմանավորվածությունները»։
«Օրինակ՝ Բրյուսելում սահմանազատման հանձնաժողովի նիստ են անում․ լավ, հայերն էլ, ադրբեջանցիներն էլ բարեկիրթ մարդիկ են, գնում են այնտեղ։ Բայց ինչպես կարելի է քննարկել սահմանազատման հարցը՝ չունենալով նախկին խորհրդային հանրապետությունների քարտեզը, որոնք գոյություն ունեն միայն Ռուսաստանի Գլխավոր շտաբում, ես դժվար եմ պատկերացնում»,- հավելեց Լավրովը։
Հիշեցնենք, որ ՌԴ նախագահի օգնական Յուրի Ուշակովը հոկտեմբերի կեսերին նույնպես հայտարարել էր, որ Եվրամիությունը և ԱՄՆ-ը փորձում են միջամտել Հայաստանի և Ադրբեջանի միջև հարաբերությունների կարգավորման գործընթացին՝ օգտագործելով ռուսական զարգացումները:
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Պարզեցվել է անհատական բնակելի տների կառուցման գործընթացը
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...