Թրամփը չի գործակցի իր գործով նշանակված դատախազի հետ
ԱՄՆ նախկին նախագահ Դոնալդ Թրամփն անընդունելի է անվանել հատուկ դատախազի նշանակումը, որը կոչված է՝ հետաքննելու իրեն վերագրվող մի շարք գործեր։
Այս մասին նա հայտարարել է Fox News-ին տված հարցազրույցում։ Քաղաքական գործիչը նշել է, որ ինքը ոչ մի վատ բան չի արել և ընդգծել, որ հրաժարվում է նոր դատախազի հետ համագործակցությունից։ Թրամփի խոսքով՝ հետաքննությունը «անարդար է և քաղաքականացված»։
Հիշեցնենք, որ օգոստոսի 8-ին Թրամփի առանձնատանն անցկացված խուզարկության ժամանակ հայտնաբերվել է 11000 պետական, այդ թվում՝ հարյուրավոր տարբեր աստիճանի գաղտնիություն պարունակող փաստաթղթեր:
ԱՄՆ արդարադատության նախարարությունը նախկին նախագահի նկատմամբ հետաքննություն է սկսել՝ փաստաթղթերն ապօրինի ճանապարհով դուրս բերելու կասկածանքով։