Իսրայելը օդային հարվածներ է հասցրել Սիրիային․ կան զոհեր
Շաբաթ առավոտյան Իսրայելի զինված ուժերի կողմից իրականացված օդային հարձակման հետևանքով զոհվել է սիրիական բանակի առնվազն չորս զինվոր, ևս մեկը՝ վիրավորվել է։
Այս մասին հայտնում է Սիրիայի ռադիոյի և հեռուստատեսության գլխավոր տնօրինությունը՝ հղում անելով երկրի ուժային կառույցների աղբյուրին։
Նշվում է, որ սիրիական հակաօդային պաշտպանության համակարգերը հետ են մղել իսրայելական հրթիռային հարվածները։ Գնդակոծության հետեւանքով նաև նյութական վնաս է պատճառվել։ Այլ մանրամասներ չեն հաղորդվում։