Բալիում չեն բավականացնում G20-ի մասնակիցների համար զրահապատ լիմուզինները
Ինդոնեզիայում կայանալիք G20 գագաթնաժողովի մասնակից պետությունների ղեկավարներին առաջարկել են Բալի տեղափոխել իրենց զրահապատ լիմուզինները երկրում նման մեքենաների սահմանափակ քանակության պատճառով, հաղորդում է Tempo.co-ն։
Ինդոնեզիան, որպես ընդունող կողմ, պետք է գագաթնաժողովի մասնակիցների համար զրահապատ մեքենաներ տրամադրեր, սակայն պարզվել է՝ մեքենաների քանակը սահմանափակ է։
«Կան նաեւ այնպիսիք, ովքեր խնդրում են զրահապատ մեքենաներ։ Մենք խորհրուրդ ենք տալիս դրանք իրենց հետ բերել։ Կամ մենք տրամադրում ենք, սակայն շատ սահմանափակ քանակությամբ։ Այնպես որ, մենք մեքենաներ կտրամադրենք նրանց, ովքեր առաջինն են խնդրել։ Նման դիմումները շատ են»,- հրատարակությունը մեջբերում է Ինդոնեզիայի նախագահի մամուլի քարտուղարի խոսքը։
Հաղորդվում է, որ Ինդոնեզիա կտեղափոխեն ԱՄՆ նախագահ Ջո Բայդենի զրահապատ Cadillac One-ը։