Իրանական հետախուզությունը Սաուդյան Արաբիային կոչ է անում չփորձել Թեհրանի «ռազմավարական համբերությունը»
Իրանի իշխանությունները Սաուդյան Արաբիային կոչ են անում չփորձել Թեհրանի «ռազմավարական համբերությունը Իսլամական հանրապետությունում բողոքի մթնոլորտ ստեղծելու հետ կապված։ Այս մասին հայտարարել է Իրանի հետախուզության նախարար Սեյեդ Էսմաիլ Խատիբը։
«Իրանում ցանկացած անկայունությունը կարող է տարածվել նաեւ տարածաշրջանի երկրներում։ Մինչեւ հիմա Իրանը ռազմավարական համբերությամբ է զինվել, սակայն նա ոչ մի երաշխիք չի տալիս, որ այն կպահպանի թշնամական գործողությունների շարունակման դեպքում»,- ասել է Խատիբը։
Նախարարի ուղերձը կապված է սաուդյան Iran International հեռուստաալիքի հակաիրանական գործունեության հետ, որով իբրեւ թե քարոզչություն է տարվում երիտասարդներին բողոքի ցույցերի դրդելու համար։