ԱՄՆ-ը մեղմացրել է Զելենսկու դիրքորոշումը ՌԴ-ի հարցում․ Politico
ԱՄՆ վարչակազմը Ուկրաինայի նախագահ Վլադիմիր Զելենսկուն դրդել է երկխոսություն սկսելու նախապայմանների ցանկից հանել Ռուսաստանի նախագահ Վլադիմիր Պուտինի հետ բանակցությունների անհնարինության մասին կետը։ Այս մասին գրել է Politico թերթը՝ վկայակոչելով իր աղբյուրները, փոխանցում է ՏԱՍՍ-ը։
Պարբերականը նշում է, որ նոյեմբերի 7-ին Զելենսկին թվարկել է Մոսկվայի հետ բանակցություններ սկսելու հինգ պայման, որոնց թվում չի նշվել Պուտինի հետ բանակցությունների անհնարինության մասին։
Ինչպես գրում է Politico-ն, դիրքորոշման փոփոխությունն «ուղղակիորեն կապված է ԱՄՆ նախագահ Ջո Բայդենի վարչակազմի մեղմ ուղղորդման հետ»։
Ըստ Politico-ի՝ Զելենսկին իր մոտեցումը մեղմացրել է Կիևի և Վաշինգտոնի միջև երկարատև բանակցություններից հետո, այդ թվում՝ ԱՄՆ ազգային անվտանգության հարցերով խորհրդական Ջեյք Սալիվանի Ուկրաինա կատարած այցի ժամանակ։