Եվրոպայի հրաժարումը ռուսական էներգակիրներից սպառնում է եվրոպական ՀՆԱ-ի 6,5-11,5 տոկոսին․ Սեչին

Եվրոպայի հրաժարումը ռուսական էներգակիրներից սպառնում է եվրոպական ՀՆԱ-ի 6,5-11,5 տոկոսին։ Նման գնահատականներ է տվել «Ռոսնեֆտի» ղեկավար Իգոր Սեչինը, գրում է РБК- ը։

Սեչինի խոսքով՝ եվրոպական արդյունաբերության առանցքային ոլորտները ճգնաժամ են ապրում՝ մետալուրգիան, քիմիական, ցելյուլոզաթղթային եւ գյուղատնտեսության արդյունաբերությունը։ Քիմիական արդյունաբերության արտադրանքի պոտենցիալ կրճատումը գնահատվում է 20-45 տոկոս, մետալուրգիայում՝ մինչեւ 30-60 տոկոս։ Արդեն այժմ, ըստ նրա, Եվրոպայում դադարեցվել են ազոտական ​​պարարտանյութերի արտադրության հզորությունների 70 տոկոսը, իսկ ալյումինի արտադրությունը կրճատվել է 25 տոկոսով։

Միեւնույն ժամանակ, ԱՄՆ-ն ստիպված է պայքարել իր «հեգեմոնիան ամեն գնով» պահպանելու համար, ասել է Սեչինը։

«Էներգիայի գների շեմ սահմանելը հարձակում է ոչ միայն շուկայի, այլ նաեւ ինքնիշխանության հիմունքների վրա»,-ասել է Սեչինը։

Սեչինը նշել է, որ ԱՄՆ-ում գազի գներն այժմ հինգ անգամ ցածր են, քան Եվրոպայում։ «Այնուամենայնիվ, եվրոպացի պաշտոնյաներն առաջարկում են էներգետիկ ճգնաժամի իրենց ողջամտությունից հեռու հիմնավորումներ»,-հավելել է նա։

Հոկտեմբերի սկզբին ԵՄ-ն հավանություն է տվել Ռուսաստանի դեմ պատժամիջոցների ութերորդ փաթեթին, որը ներառում է հում նավթի (դեկտեմբերի 5-ից) եւ նավթամթերքի (2023 թվականի փետրվարի 5-ից) գնի առավելագույն սահմանաչափ։