Tatler-ի նախկին գլխավոր խմբագրին մինչեւ 15 տարվա ազատազրկում է սպառնում՝ դրամաշորթության համար

Tatler ամսագրի նախկին գլխավոր խմբագիր Արիան Ռոմանովսկուն, Ռուսաստանի Քրեական օրենսգրքի հոդվածի դրույթների համաձայն, սպառնում է մինչեւ 15 տարվա ազատազրկում. նրան մեղադրանք է առաջադրվել առանձնապես խոշոր չափերի դրամաշորթության համար:

Ավելի վաղ Ռոմանովսկու փաստաբան Հաջի Ալիեւը «ՌԻԱ Նովոստի» լրատվական գործակալությանը հայտնել էր, որ իր պաշտպանյալին մեղադրանք է առաջադրվել առանձնապես խոշոր չափերի դրամաշորթության համար։ Ռոմանովսկին, ըստ պաշտպանի, ինքն իրեն մեղավոր չի ճանաչում: Չորեքշաբթի օրը Մոսկվայի Տվերսկոյի դատարանը կքննարկի կալանքի միջնորդությունը։

Քրեական օրենսգրքի համաձայն՝ շորթման համար նախատեսում է ազատազրկում՝ յոթից տասնհինգ տարի ժամկետով, ինչպես նաեւ մինչեւ մեկ միլիոն ռուբլի տուգանք:

Ինչպես եւ սպասվում էր, այսօր դատարանը կքննարկի Քսենյա Սոբչակին պատկանող «Caution Media» հոլդինգի կոմերցիոն տնօրեն Կիրիլ Սուխանովի նկատմամբ խափանման միջոց կիրառելու միջնորդությունը, ով նույնպես ներգրավված է շորթման վերաբեյալ գործին եւ նախօրեին կալանավորվել էր։

Ավելի վաղ «ՌԻԱ Նովոստի» -ի աղբյուրը հայտնել էր, որ գործը վերաբերում է Telegram-ի ալիքներով դրամաշորթմանը։