Սեուլը, Վաշինգտոնը եւ Տոկիոն հայտարարել են Փհենյանին «աննախադեպ» պատասխան տալու մասին
Հարավային Կորեան, ԱՄՆ-ը եւ Ճապոնիան հայտարարել են, որ Հյուսիսային Կորեայի կողմից միջուկային փորձարկումների վերսկսումը պետք է արժանանա «աննախադեպ» պատասխանի, տեղեկացրել է Reuters-ը։
Վաշինգտոնը եւ նրա դաշնակիցները կարծում են, որ Հյուսիսային Կորեան կարող է վերսկսել միջուկային ռումբի փորձարկումները 2017-ից հետո առաջին անգամ, բայց փորձագետները նշում են, որ քիչ միջոցներ ունեն այդ քայլը կանխելու կամ դրան արձագանքելու համար։
Հարավային Կորեայի արտաքին գործերի առաջին փոխնախարար Չո Հյոն Դոնը այս հարցը Տոկիոյում քննարկել է ճապոնացի գործընկերոջ՝ Տակեո Մորիի եւ ԱՄՆ պետքարտուղարի տեղակալ Վենդի Շերմանի հետ։
«Մենք համաձայնել ենք այն հարցում, որ կպահանջվի արձագանքման աննախադեպ մասշտաբ, եթե Հյուսիսային Կորեան իրականացնի յոթերորդ միջուկային փորձարկումը»,- ասել է նա համատեղ մամուլի ասուլիսում։
Միացյալ Նահանգները եւ նրա դաշնակիցները քիչ մանրամասներ են ներկայացրել այն մասին, թե ինչ միջոցներ կարող են կիրառել ի պատասխան միջուկային փորձարկումների վերսկսման, որոնք, ինչպես նշել է պետդեպարտամենտի պաշտոնական ներկայացուցիչ Վեդանտ Փատելը, «լուրջ էսկալացիա» կլինեն, որը «կսպառնա տարածաշրջանային կայունությանը»։
ԱՄՆ պետքարտուղար Էնթոնի Բլինքենը Bloomberg-ի կազմակերպած միջոցառմանը հայտարարել է, որ Վաշինգտոնը եւ նրա դաշնակիցներն աշխատում են իրենց պաշտպանությունն ամրապնդելու ուղղությամբ եւ աշխատելու են երկրների, այդ թվում ՄԱԿ-ի հետ՝ «Հյուսիսային Կորեայի վրա ճնշում գործադրելու համար»։
Տոկիոյում կայացած մամուլի ասուլիսում Շերմանը Հյուսիսային Կորեային կոչ է արել «ձեռնպահ մնալ հետագա սադրանքներից»։ «Այն ամենն, ինչ այստեղ կատարվում է, օրինակ՝ միջուկային փորձարկումը... հետեւանքներ կունենա ամբողջ աշխարհի անվտանգության համար»,- ասել է նա։ «Մենք իսկապես հույս ունենք, որ ՄԱԿ Անվտանգության խորհրդում բոլորը կհասկանան, որ միջուկային զենքի յուրաքանչյուր կիրառում անհավանական ձեւով կփոխի աշխարհը»։
Մորին ասել է, որ Միացյալ Նահանգները, Հարավային Կորեան եւ Ճապոնիան պարտավորվել են «էլ ավելի ամրացնել զսպման եւ արձագանքման պոտենցիալը» եւ եռակողմ համագործակցությունն անվտանգության ոլորտում։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն
Բելգիայի դեսպանության բացման պաշտոնական արարողություն՝ Երևանում