Հռոմի պապը Պուտինին և Զելենսկուն հրավիրել է Վատիկան՝ բանակցելու
Հռոմի պապ Ֆրանցիսկոսն Ուկրաինայի նախագահ Վլադիմիր Զելենսկիին և Ռուսաստանի նախագահ Վլադիմիր Պուտինին հրավիրում է Վատիկան՝ ուկրաինական հակամարտության կարգավորման շուրջ բանակցելու համար, իսկ ավելի ուշ առաջարկում է Վատիկանում Եվրոպայում անվտանգությանն առնչվող մեծ համաժողով անցկացնել։
Ինչպես գրում է Tert.am-ը՝ հղում կատարելով ՌԻԱ «Նովոստի»-ին, այս մասին ասել է Հին հավատացյալների համաշխարհային միության նախագահ Լեոնիդ Սևաստյանովը, որը կապի մեջ է պոնտիֆիկոսի հետ։
«Ես այսօր զանգահարեցի Հռոմի պապին, նա օրհնություն տվեց նրան, որ իր անունից հայտարարեմ, որ պատրաստ է տրամադրել Վատիկանի ենթակառուցվածքը, և դա ոչ միայն Վատիկանն է, այլև Հռոմի բազմաթիվ շինություններ, Պուտինի և Զելենսկու հանդիպման համար: Դրանից հետո Հռոմի պապն առաջարկում է Վատիկանում Եվրոպայում անվտանգությանն առնչվող մեծ համաժողով անցկացնել՝ Ռուսաստանի, Ուկրաինայի, ՆԱՏՕ-ի, եվրոպական երկրների մասնակցությամբ»,- ասել է Սևաստյանովը։
Նա կարծիք է հայտնել, որ Հռոմի պապ Ֆրանցիսկոսը հարմար է ԵՄ-ին և Ռուսաստանին՝ որպես ուկրաինական հակամարտության կարգավորման մոդերատոր, քանի որ նա նախկինում չեզոք դիրք է գրավել և «դատապարտելով պատերազմը, չի դատապարտել Ռուսաստանին և նախագահ Պուտինին»։
«Մակրոնը ցույց տվեց, որ Հռոմի պապը համապատասխանում է Եվրոպային որպես բանակցող, հետո պարզվեց, որ նա ընդունելի է նաև ռուսական կողմի համար… Հռոմի պապը յուրահատուկ կերպար է, չեզոք, հեղինակություն ունեցող և պատրաստ ժամանակը ծախսել հաշտեցման վրա, լինել մոդերատոր»,- պարզաբանել է Սևաստյանովը։
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Շատ ուրախ եմ նոր պարտականություններով ակումբ վերադառնալու համար. Դավիդ Վիլյա
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել