Կրեմլը անդրադարձել է Մոլդովային եւ Ուկրաինային ԵՄ-ի թեկնածուների կարգավիճակ տրամադրելուն
ՌԴ նախագահի մամուլի քարտուղար Դմիտրի Պեսկովը, խոսելով Քիշնեւի եւ Կիեւի՝ ԵՄ-ին անդամակցության թեկնածուի կարգավիճակ տալու հարցի մասին, նշել է, որ գլխավորն այն է, որպեսզի այդ գործընթացները ՌԴ-ի համար խնդիրներ չստեղծեն եւ չվատացնեն առանց այդ էլ փչացած հարաբերությունները Եվրոպայի հետ, տեղեկացրել է «ՌԻԱ Նովոստի»-ն։
«Դրանք, իհարկե, եվրոպական ներքին գործեր են, մեզ համար շատ կարեւոր է, որպեսզի այդ բոլոր գործընթացները մեզ համար ավելի շատ խնդիրներ չստեղծեն, եւ ավելի շատ խնդիրներ չլինեն մեզ հետ հիշյալ երկրների հարաբերություններում։ Այդ խնդիրներն առանց այդ էլ շատ են, դրանք (ԵՄ-ի հետ հարաբերությունները) առանց այդ էլ կարգին փչացել են»,- ասել է Պեսկովը։
Հինգշաբթի օրը ԵՄ-ի պետությունների եւ կառավարությունների ղեկավարները որոշում էին կայացրել Ուկրաինային եւ Մոլդովային միության կազմի մեջ մտնելու թեկնածուների կարգավիճակ տալու մասին։