ԵՄ-ն ցանկանում է պատժամիջոցներ սահմանել ռուսական ոսկու դեմ․ Reuters
ԵՄ առաջնորդները մտադիր են ճնշում գործադրել Ռուսաստանի վրա՝ պատժամիջոցներ սահմանելով երկրի ոսկու դեմ։ Այս մասին հայտնում է Reuters-ը՝ վկայակոչելով իրազեկ աղբյուրի տրամադրած տեղեկատվությունը։
Դեռ պարզ չէ՝ կվերաբերեն այդ միջոցները ԵՄ երկրներ ռուսական ոսկու ներկրմա՞նը, թե՞ Ռուսաստան թանկարժեք մետաղի մատակարարմանը։
Ոսկու պաշարների սահմանափակումները հակառուսական սահմանափակող միջոցների նոր փաթեթի մաս կլինեն։ Փաստաթղթի վրա աշխատանքները կսկսվեն այս շաբաթ՝ ԵՄ երկրների ղեկավարների գագաթաժողովի շրջանակներում, որը կանցկացվի հունիսի 23-24-ը՝ Մադրիդում։
Գործակալությունը հավելել է, որ գագաթաժողովին մասնակցող երկրների թվում կան այնպիսիք, որոնք պնդում են Մոսկվայի դեմ նոր պատժամիջոցների կիրառումը, եւ այնպիսիք, որոնք կոչ են անում կենտրոնանալ նախապես հայտարարված միջոցառումների իրականացման վրա։