Այս իշխանությունները եկան լոզունգներով, իբր, թե նախկին թալանը կանխելու, բայց իրենք դարձան թալանչի ու միլիոնատերեր. Սերոբ Գասպարյան ( տեսանյութ)

Մենք «ֆեյքաորս» ենք սկսելու: Եթե ԱԱԾ-ն չի զբաղվում նրանցով, որոնք լցված են հայհոյելու անգամ զոհվածի հարազատներին, ապա մենք կզբաղվենք, բոլորի տեղը գիտենք։ Այս մասին «Փաստինֆո»-ի եթերում ասել է «Սև հովազ» ռազմահայրենասիրական ՀԿ նախագահ Սերոբ Գասպարյանը։

«Մեղքերն կան, որոնք նույնիսկ Աստված չի ներում, ու եթե սկսեցինք «ֆեյքաորսը», ապա նրանց ոչինչ չի փրկելու»,- ասել է Գասպարյանը։

Նրա խոսքով, այս իշխանությունները եկան լոզունգներով, իբր, թե նախկին թալանը կանխելու, բայց իրենք դարձան թալանչի ու միլիոնատերեր։ «ՀՀ-ում սատանազիմ է քարոզվում, նոր կրոն՝ «նիկոլիզմ» է ձևավորվում, և մենք արմատախիլ ենք անելու այս չարիքը», - ասել է բանախոսն ու վստահեցրել, որ հաղթելու են:

«Մենք 44-օրում էլ ենք հաղթել, ու հիմա էլ ենք հաղթելու, մենք հաղթեցինք նույնիսկ 2020-ի նոյմեբերի 16-ին, Իշխանասարում, երբ մեր ջոկատը ջախջախեց թուրքերին, նույնիսկ ռուսներն էին զարմացել, ու հիմա էլ ենք հաղթելու», - ասել է զոհված հրամանատար Ռուստամ Գասպարյանի եղբայրը` Սերոբ Գասպարյանը։

Նրա արձանագրմամբ` այսօրվա իշխանությունն ամեն ինչ անում է բանակը քանդելու համար ու վստահեցրել, որ թույլ չեն տալու:
«Չեն հասցնելու»,- ասել է Գասպարյանը։

Մանրամասները՝ տեսանյութում։