ԱՄՆ-ում COVID-19-ի համավարակի շրջանում խիստ ավելացել է մահացությունն ալկոհոլից. հետազոտություն
Երբ COVID-ը մարդկանց ստիպում էր փակված մնալ տանը, դրանով պայմանավորված՝ ավելացել են ոգելից խմիչքների չափազանց շատ օգտագործման միտումները, նշել է ABC News-ը։
Նոր հետազոտությունները ցույց են տալիս, որ կորոնավիրուսի համավարակի շրջանում ալկոհոլից առաջացած մահերի թիվը կտրուկ ավելացել է։ Եվ ամենից շատ տուժել են երիտասարդ ամերիկացիները՝ 20, 30 եւ 40 տարեկան մարդիկ։
Սանտա-Կլարա-Վելիի բժշկական կենտրոնի հոգեբույժ Անուշա Չանդրականտանը ABC News-ի հետ զրույցում նշել է, որ ոգելից խմիչքի հավելյալ բաժակը հաճախ պայմանավորված է եղել նրանով, որ մարդիկ փորձել են այդպես «դիմակայել» աննախադեպ հանգամանքներին։
«Սոցիալական մեկուսացումը, ինչպես նաեւ վախը անհայտությունից միշտ եղել են մեր պացիենտների հիմնական թրիգերները»,- ասել է Չանդրականտանը։
Միեւնույն ժամանակ, ալկոհոլն այդ ժամանակ ավելի հեշտ էր ձեռք բերել, քան երբեւէ, ասել է թմրամոլության ազգային կազմակերպության Hazelden Betty Ford-ի երիտասարդական հանրույթի ղեկավար Սառա Փոլին, որը նաեւ ինտերնետ կենտրոններ է ղեկավարում։
Ալկոհոլի առաքման մասին օրենքների մեղմման շնորհիվ մարդիկ կարող էին տուն բերելու համար պատվիրել գինի, գարեջուր կամ օղի ամբողջ երկրում, ավելացրել է Փոլին։
2021թ. ձմռանը ամբողջ երկրի հիվանդանոցները տեղեկացնում էին, որ ալկոհոլի օգտագործման հետ կապված հոսպիտալացումների թիվը նախորդ տարիների համեմատ ավելացել է 50 տոկոսով։ Հոսպիտալացումների թիվն ավելի մեծացավ պարբերական հարբեցողության ժամանակ։
Այս շաբաթ հրապարակված հետազոտությունը ցույց է տվել, որ 2020թ. մահացության մակարդակը բարձրացել է 25 տոկոսով։ Մակարդակը բարձր էր նաեւ 2021թ.՝ 21 տոկոսով ավելի, քան մինչեւ համավարակի բազային մակարդակը, ինչը համարժեք է տասնյակ հազարավոր մահերի։
Ալկոհոլի չարաշահման եւ ալկոհոլիզմի ազգային ինստիտուտի համաճարակաբանության եւ կենսաչափության բաժնի ղեկավար Ահարոն Ուայթը բացատրել է, որ այս դիտարկումը կարող է փոխել երիտասարդ ամերիկացիների վերաբերմունքն ալկոհոլի նկատմամբ։
«Մեր երեխաները միջինը ավելի քիչ են խմում,- ասել է նա ABC News-ի հարցազրույցում, բայց նրանք ավելի հաճախ են միայնակ խմում, ինչպես նաեւ խմիչքը համադրում են թմրանյութերի հետ»։
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի