Բուրկինա Ֆասոյում գրոհայինները հարձակվել են բանտի վրա եւ ազատ են արձակել բոլոր կալանավորներին
Բուրկինա-Ֆասոյի հյուսիսարեւմտյան շրջանում գտնվող բանտերից մեկում գիշերը տեղի ունեցած հարձակման ժամանակ գրոհայինները շուրջ 60 կալանավորի են ազատ արձակել, թալանել են գրասենյակներն ու ավտոմեքենաներ այրել, որից հետո թաքնվել են: Reuters-ի փոխանցմամբ՝ հայտնել են դատական համակարգի մարմիններում:
Կալաշնիկներով զինված անձինք կեսգիշերին մեքենաներով ու մոտոցիկլետներով ներխուժել են Նունա քաղաք, հաղորդել են անվտանգության մարմինները:
Գրոհայինները քաղաքային բանտից շուրջ 60 մարդու են ազատել, այսինքն՝ բոլոր բանտարկյալներին:
Բուրկինա Ֆասոն պայքարում է ջիհադականների ապստամբության դեմ, որը վերջին տասնամյակում երկիր է ներխուժել Մալիից: