Լիբանանի հազարավոր քաղաքացիներ աշխարհի 48 երկրում արտահերթ կքվեարկեն խորհրդարանական ընտրություններում

Շուրջ 50 երկրում բնակվող հազարավոր լիբանանցիներ կիրակի արտահերթ քվեարկելու են երկրի խորհրդարանական ընտրություններում, հաղորդում է Associated Press-ը:

Մոտ 195 000 լիբանանցի գրանցվել է կիրակի 48 երկրում անցկացվող քվեարկությանը մասնակցելու համար, այդ թվում՝ ԱՄՆ-ում, Կանադայում, Ավստրալիայում, Ռուսաստանում, Եվրամիության անդամ երկրներում եւ մի քանի աֆրիկյան երկրներում:

Լիբանանում քվեարկությունը տեղի կունենա մայիսի 15-ին:

Քվեարկողների թվում շատ են լիբանանցիները, որոնք երկիրը լքել են վերջին երկու տարում՝ պատմական տնտեսական անկման պատճառով, որի համար մեղադրում են քաղաքական դասին, որը երկիրը ղեկավարում է 1975-90-ականների քաղաքացիական պատերազմից ի վեր:

Խորհրդարանական ընտրությունները տեղի են ունենում 4 տարին մեկ:

Այս ընտրություններն առաջինն են լինելու 2019 թ. սկսված տնտեսական ճգնաժամից հետո, որը բազմաթիվ բողոքի ակցիաների պատճառ էր դարձել երկրով մեկ: Սա նաեւ առաջին քվեարկությունն է 2020թ. օգոստոսի 4-ին Բեյրութի նավահանգստում տեղի ունեցած պայթյունից հետո, որն ավելի քան 200 մարդու կյանք էր խլել: