Զելենսկին սպառնացել է վերջակետ դնել Ռուսաստանի հետ բանակցություններին
Զելենսկին հայտարարել է Ռուսաստանի հետ բանակցությունները դադարեցնելու սպառնալիքի մասին։ «ՌԻԱ Նովոստի»–ի փոխանցմամբ՝ Ուկրաինայի նախագահ Վլադիմիր Զելենսկին հայտարարել է, որ Կիևը կդադարեցնի Մոսկվայի հետ բանակցությունները, եթե վտանգվի Մարիուպոլում ուկրաինացի զինվորականների կյանքը։
«Մարիուպոլը միգուցե Բորոդյանկայի նման է, բայց ես ուզում եմ ասել, որ մեր զինվորականների, մեր տղաների ոչնչացումը վերջակետ կդնի բոլոր բանակցություններին»,- սպառնացել է նա։
Ավելի վաղ՝ ապրիլի 13-ին, ՌԴ ՊՆ-ն հայտարարել էր, որ 36-րդ ծովային բրիգադի 1026 զինծառայողներ զենքերը վայր են դրել և հանձնվել Ռուսաստանին։ Նրանց թվում են 162 սպա, ինչպես նաև 47 կին զինվորական։ 151 մարդ վիրավորվել է, նրանք ուղարկվել են Մարիուպոլի քաղաքային հիվանդանոց։