Ռուսաստանից ցորենի արտահանման մաքսն ապրիլի 20-ից կբարձրանա 1 տոննայի դիմաց մինչև 110,7 դոլար

Ռուսաստանից ցորենի արտահանման մաքսն ապրիլի 20-ից մինչեւ 26-ը կավելանա մեկ տոննայի դիմաց մինչեւ 110,7 դոլար՝ մեկ շաբաթ առաջվա 101,4 դոլարի դիմաց, ասված է ՌԴ-ի գյուղատնտեսության նախարարության հաղորդագրության մեջ։

Գարու մաքսը բարձրանում է մեկ տոննայի դիմաց մինչեւ 76 դոլար՝ մեկ ամիս առաջվա 75,4 դոլարի դիմաց, եգիպտացորենի մաքսը կավելանա մեկ տոննայի դիմաց մինչեւ 66,1 դոլար՝ անցյալ շաբաթվա 65,8 դոլարից: Ցորենի եւ մեսլինի (ցորենի եւ տարեկանի խառնուրդ) արտահանական մաքսի հարկադրույքը հաշվարկված է՝ ելնելով մեկ տոննայի դիմաց 358,2 դոլար հանձնարարական գնից, գարունը՝ մեկ տոննայի դիմաց 293,6 դոլար, եգիտացորենինը՝ մեկ տոննայի դիմաց 279,5 դոլար:

Հարկադույքները կիրառվում են դրանց զետեղման օրվանից հետո երրորդ աշխատանքայն օրվանից եւ գործում են մինչեւ մաքսերի հերթական հարկադրույքների կիրառման սկիզբը: 2021 թվականի ապրիլի 1-ից ՌԴ-ի գյուղատնտեսության նախարարությունն սկսել է թեստավորել հացահատիկների արտահանման «լողացող» մաքսի հաշվարկի մեխանիզմը, որն ուժի մեջ է մտել 2021 թվականի հունիսի 2-ից:

Փետրվարի 5-ից շուկայի մասնակիցները Մոսբորսայում կնքված պարտավորագրերի մասին տվյալները հաղորդում են՝ հանձնարարական գնի հաշվարկի ձեւավորման համար: Այդ տեղեկատվության հիման վրա գյուղատնտեսության նախարարությունը որոշում է մաքսի չափը մեկ շաբաթ ժամկետով: Հաշվարկված մաքսերն ամեն շաբաթ հրապարակվում են նախարարության կայքում, հաղորդել է ՏԱՍՍ-ը: