Չգիտեմ՝ Խաչատուր Սուքիասյանն ի՞նչ է ասել, բայց առևտրով երկիր չեն պահում. պետք չի մոլորեցնել հանրությանը. Դավիթ Անանյան
Դի Էս Էյ խորհրդատվական ընկերության տնօրեն Դավիթ Անանյանը վստահեցնում է՝ որպեսզի Հայաստանը կարողանա իր առաջ ծառացած մարտահրավերների դեմն առնել և խոշոր ներդրողների համար դառնալ գրավիչ երկիր, Կառավարությունը պարտավոր է ապահովել թռիչքային տնտեսական աճ, իսկ դա նշանակում է՝ պարտավոր է մի քանի տարի ապահովել երկնիշ տնտեսական իրական աճ, իսկ դրան հասնելու համար Հայաստանի կառավարության միակ ելքը արտահանելի տնտեսություն ունենալն է։
168 TV-ի «Ռեվյու» հաղորդաշարի եթերում նման տեսակետ հայտնեց Դավիթ Անանյանը՝ հիշեցնելով, որ ներդրումային գրավիչ երկիր դառնալու համար Կառավարությունը պետք է լուծի անվտանգային խնդիրները, ունենա դրամավարկային կանխատեսելի քաղաքականություն. կարևոր է նաև երկրում քաղաքական կայունության հարցը։
Դիտարկմանը՝ երբ երկրում չկա կայուն քաղաքական վիճակ, չկա դրամավարկային կայուն քաղաքականություն, փոխարենը՝ կան անվտանգային լրջագույն խնդիրներ, այդ դեպքում ինչպե՞ս հասկանալ ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանի այն պնդումը, որ հիմա պետք է գնալ Թուրքիայի և Ադրբեջանի հետ առևտրաշրջանառության, Դավիթ Անանյանը պատասխանեց.
«Չգիտեմ՝ Խաչատուր Սուքիասյանն ինչ է ասել, բայց առևտրով երկիր չեն պահում։ Մենք պետք է ունենանք տնտեսության էական արտահանելի հատված, որպեսզի կարողանանք հսկայածավալ համախառն ներքին արդյունք ապահովել, իսկ Թուրքիայի հետ սահման բացելը պետք է քննարկել պատեհ և ոչ պատեհ ժամանակների համատեքստում, ուստի, եթե հիմա բացենք Թուրքիայի հետ սահմանը, ապա պետք է մոռանանք արտահանման մասին, որովհետև թուրքական էժան ապրանքները սփռվելու են մեր շուկայում,- ասաց Անանյանը՝ ընդգծելով,- Պետք չի մոլորեցնել հանրությանը, կրկնում եմ՝ առևտրով երկիր չեն պահում»։
Հարցազրույցի մանրամասները՝ տեսանյութում
Աշխարհի ամենահայտնի Խորհրդարանական ծեծկռտուքները (ֆոտոշարք)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Հանրությանը մոլորեցնելու նպատակ ունեցող ապատեղեկատվություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Իրանական պատվիրակությունը Դոհայում բանակցություններ է վարել Կատարի միջնորդների հետ
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...