Բայդենի վարչակազմը կհայտարարի Ուկրաինային եւս 750 մլն դոլարի ռազմական օգնություն տրամադրելու մասին
ԱՄՆ նախագահ Ջո Բայդենի վարչակազմը կհայտարարի Ուկրաինային եւս 750 մլն դոլարի ռազմական օգնություն տրամադրելու մասին, հայտնում է Reuters-ը՝ վկայակոչելով երկու ամերիկացի պաշտոնյաների։
Օգնությունը կֆինանսավորվի միջոցներ ընտրելու նախագահական լիազորությունների հաշվին, ըստ որի նախագահը կարող է առանց Կոնգրեսի հավանության թույլատրել ապրանքների եւ ծառայությունների փոխանցումը ԱՄՆ-ի պահեստներից՝ ի պատասխան արտակարգ իրավիճակի:
Անցյալ շաբաթ Սպիտակ տունը հայտարարել էր, որ ավելի քան 1,7 մլրդ դոլարի օգնություն է տրամադրել Ուկրաինայի անվտանգության ոլորտին: