Շվեդիայի իշխող կուսակցությունը, որը մինչ այժմ դեմ էր ՆԱՏՕ-ին անդամակցելուն, վերանայում է իր քաղաքականությունը
Շվեդիայի իշխող Սոցիալ-դեմոկրատական կուսակցությունը, որը մինչ այժմ հրաժարվում էր ՆԱՏՕ-ին անդամակցությունից, վերանայում է միջազգային անվտանգության հարցում իր քաղաքականությունը՝ ուկրաինական ճգնաժամի լույսի ներքո, հայտնում է Reuters-ը։
Սոցիալ-դեմոկրատները հետեւողականորեն մերժում էին ՆԱՏՕ-ին միանալու կոչերը՝ պնդելով, որ ռազմական հարցում չմիավորվելը լավ ծառայություն է մատուցել երկրին:
Սակայն ուկրաինական ճգնաժամը ստիպեց վերանայել ողջ քաղաքական սպեկտրը ինչպես Շվեդիայում, այնպես էլ հարեւան Ֆինլանդիայում, որը նույնպես ՆԱՏՕ-ի անդամ չէ:
«Երբ Ռուսաստանը ներխուժեց Ուկրաինա, անվտանգության ոլորտում Շվեդիայի դիրքորոշումն արմատապես փոխվեց»,- ասվում է սոցիալ-դեմոկրատների հայտարարության մեջ:
The Daily DN-ն մեջբերել է Սոցիալ-դեմոկրատական կուսակցության քարտուղար Թոբիաս Բաուդինի խոսքերն այն մասին, որ գնահատումը մինչեւ ամառ կավարտվի:
Ակնկալվում է, որ Ֆինլանդիան մոտակա շաբաթների ընթացքում կորոշի դեպի ՆԱՏՕ իր ուղին։
«Սոցիալ-դեմոկրատները (անդամակցության) բանալին են»,- ասում է Գեթեբորգի համալսարանի քաղաքագիտության պրոֆեսոր Պիտեր Էսայասոնը:
Չորս աջ կենտրոնամետ ընդդիմադիր կուսակցություններ աջակցել են ՆԱՏՕ-ին անդամակցելու հայտին, իսկ հինգերորդի առաջնորդն ասել է, որ իր կուսակցությունը կսատարի անդամակցությանը, եթե Ֆինլանդիան նույնպես այդ ճանապարհով գնա:
Ձախերը եւ Կանաչների կուսակցությունները դեմ են անդամակցությանը։
Սոցիալ-դեմոկրատների կարծիքով՝ վարչապետ Մագդալենա Անդերսոնը եւ կուսակցության ղեկավարությունը դեռեւս կարող են ՆԱՏՕ-ին անդամակցության հայտ ներկայացնելու որոշում կայացնել առանց անդամների աջակցության, «եթե (գնահատման) գործընթացում անվտանգության այլ քաղաքականության անհրաժեշտություն առաջանա»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Արսեն Զախարյանի տրանսֆերային արժեքն աճել է
Մարմնամարզության տղամարդկանց հավաքականը տուն է վերադառնում