Սաուդյան Արաբիան թույլ է տվել արտերկրից ժամանած ուխտավորներին հաջ կատարել
Սաուդյան Արաբիայի հաջի եւ ումրայի հարցերով նախարարությունը կորոնավիրուսի համավարակի բռնկումից ի վեր առաջին անգամ թույլ է տվել արտերկրից ժամանած ուխտավորներին հաջ կատարել՝ Մեքքայի եւ Մեդինայի սուրբ վայրեր այցելելու թույլտվություն ունեցող ուխտավորների թիվը հասցնելով մեկ միլիոնի։ Այս մասին հայտնում է Սաուդյան Արաբիայի լրատվական գործակալությունը՝ վկայակոչելով նախարարությունը:
«Այս տարի մինչեւ մեկ միլիոն ուխտավորի՝ ինչպես թագավորությունից, այնպես էլ արտերկրից, հաջ կատարել թույլատրելու որոշումն արտացոլում է Սաուդյան Արաբիայի՝ հաջի շարունակականությանը նպաստելու շահագրգռվածությունը, որպեսզի աշխարհի մուսուլմանները կարողանան կատարել հաջի եւ ումրայի ծեսերը՝ Մարգարեի մզկիթ եւ այլ վայրեր այցելելով»,- նշվում է հաղորդագրության մեջ։
Այս տարի հաջ կատարել կկարողանան մինչեւ 65 տարեկան մարդիկ, ովքեր լիարժեք կերպով պատվաստվել են թագավորությունում հաստատված պատվաստանյութերով։ Թագավորություն ժամանելուց հետո 72 ժամվա ընթացքում նրանցից ՊՇՌ թեստի բացասական արդյունք կպահանջվի:
Համավարակի առաջին տարում Սաուդյան Արաբիան հաջ կատարել թույլատրել էր միայն երկրում ապրող մուսուլմաններին՝ սահմանափակելով նրանց թիվը 1000-ով: Անցյալ տարի հաջին եւս մասնակցել են միայն թագավորության բնակիչները, թեեւ նրանց թիվը հասցվել էր 60 հազարի։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի