Ֆինլանդիան եւ Շվեդիան շուտով կարող են անդամակցել ՆԱՏՕ-ին
Ֆինլանդիան եւ Շվեդիան շուտով կարող են անդամցել ՆԱՏՕ-ին: ՆԱՏՕ-ի պաշտոնյաները CNN-ին հայտնել են, որ Շվեդիայի եւ Ֆինլանդիայի՝ դաշինքին միանալու մասին քննարկումները չափազանց լուրջ ընթացք են ստացել ուկրաինական ճգնաժամի սրումից հետո:
ԱՄՆ պետքարտուղարության բարձրաստիճան պաշտոնյաները հայտարարել են, որ այդ հարցը բարձրացվել է ՆԱՏՕ-ի անդամ երկրների արտաքին գործերի նախարարների՝ այս շաբաթ կայացած հանդիպմանը, որում ներկա են գտնվել նաեւ Ստոկհոլմը եւ Հելսինկին ներկայացնող ԱԳ նախարարները:
Պաշտոնական անձանց խոսքով՝ քննարկումներն ընդգծում են, թե որքանով է ճգնաժամն ազդել «ՆԱՏՕ-ի վերակենդանացման ու միավորման վրա»:
Պաշտպանական դաշինքին միանալու մասին հասարակական կարծիքը երկու երկրում զգալիորեն փոխվել է այն պատճառով, որ պատերազմն Ուկրաինայում շարունակվում է:
«Եթե նայենք Ֆինլանդիայում եւ Շվեդիայում հասարակական կարծիքին եւ նրան, թե ինչպես է այն փոխվել վերջին վեց շաբաթում, կարծում եմ, որ դա եւս մեկ օրինակ է այն բանի, որ այդ ներխուժումը ռազմավարական ձախողում է դարձել»,- հայտարարել է ԱՄՆ Պետքարտուղարության բարձրաստիճան պաշտոնյաներից մեկը:
Ֆինլանդիայի վարչապետ Սաննա Մարինը հայտարարել է, որ իր երկրի խորհրդարանը մտադիր է առաջիկա շաբաթների ընթացքում քննարկել ՆԱՏՕ-ին հնարավոր անդամակցությունը՝ հավելելով, որ հուսով է, որ այդ քննարկումները կավարտվեն «մինչեւ ամռան կեսերը»:
Շվեդիայի վարչապետ Մագդալենա Անդերսոնն, իր հերթին, մարտի վերջին SVT-ին տված հարցազրույցում չի բացառել ՆԱՏՕ-ին անդամակցելու հավանականությունը:
ԱՄՆ-ում Ֆինլանդիայի դեսպան Միկկո Հաուտալան CNN-ին հայտնել է, որ երկու երկիրը սերտորեն համագործակցում են միամյանց հետ, սակայն յուրաքանչյուր երկիր իր սեփական որոշումը պետք է կայացնի:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Արսեն Զախարյանի տրանսֆերային արժեքն աճել է
Մարմնամարզության տղամարդկանց հավաքականը տուն է վերադառնում