Ռուսական բանկերի հաշիվներում չինական յուանը փոխարինում է դոլարին ու եվրոյին
Ռուսական բանկերում իրավական անձանց հաշիվներում մնացորդների յուանով պահպանման կտրուկ աճ է արձանագրել: Մարտին բիզնես-հաճախորդներն իրենց դոլարով եւ եվրոյով պահվող հաշիվներն ակտիվորեն փոխել են յուանի, ինչպես նաեւ նոր հաշիվներ են բացել հենց չինական արժույթով:
Զանգվածային հակառուսական պատժամիջոցների ֆոնին՝ անցումը յուանի հարկադրված միջոց է դարձել: Զգալիորեն աճել են նաեւ չինական արժույթով բորսաներում իրականացվող գործարքները, սակայն դրանք ծավալով դեռեւս էականորեն հետ են մնում դոլարով եւ եվրոյով արվող գործարքներից, գրում է «Կոմերսանտը»:
Խոշոր բանկերի շրջանում պարբերականի իրականացրած հարցման համաձայն՝ մարտին բանկերի բիզնես հաճախորդները սկսել են ակտիվորեն հաշիվներ բացել յուանով: Օրինակ, «Սանկտ Պետերբուրգ» բանկում յուանով բացված կորպորատիվ հաշիվների թիվն աճել է ավելի քան 3.5 անգամ, իսկ չինական արժույթով կնքվող պայմանագրերի թիվը կրկնապատկվել է:
Աղբյուրի տվյալներով՝ մարտին բացված ամեն երրորդ նոր հաշիվ յուանով է բացվել:
Նման դինամիկան կապված է մի շարք խոշոր պետական եւ մասնավոր բանկերի դեմ սահմանված պատժամիջոցների հետ, որոնցով արգելվում են միջոցների փոխանցումներն արտասահմանյան բանկերին:
Նշվում է, որ յուանով հաշվարկներ անող ընկերությունների շարքում մեծ մասը ներկրողներն են: Տինկոֆ բանկում նշում են, որ յուանով հաշվարկների են անցնում այն ընկերությունները, որոնք զբաղվում են մեծածախ առեւտրով:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Արսեն Զախարյանի տրանսֆերային արժեքն աճել է
Մարմնամարզության տղամարդկանց հավաքականը տուն է վերադառնում