Շրի Լանկայում ցուցարարները երկրորդ օրն անընդմեջ արգելափակել են նախագահի գրասենյակի մուտքը
Շրի Լանկայում ցուցարարները երկրորդն օրն անընդմեջ արգելափակել են նախագահի գրասենյակի մուտքը՝ պահանջելով Գոտաբայա Ռաջապակսայի հրաժարականը՝ երկրում ստեղծված տնտեսական ճգնաժամի պատճառով, փոխանցում է Associated Press-ը:
Հարյուրավոր ցուցարարներ, կանգնած ուժեղ անձրեւի տակ, հակակառավարական կարգախոսներ էին վանկարկում: Նրանցից ոմանք կոչ են արել ցրել ողջ կառավարությունը:
«Մենք կմնանք, մենք կգնանք միայն այն ժամանակ, երբ վռնդենք նրանց»,- ասել է 32-ամյա նախկին զինվորական Սանջիվա Պուշպակումարան՝ խոսելով նախագահի, նրա ազդեցիկ ընտանիքի եւ բոլոր օրենսդիրների մասին:
«Այդ մարդիկ կործանում են երկիրը, որը մենք փրկել ենք, եւ տխուր է տեսնել, թե ինչպես են ոստիկաններն ու բանակը պաշտպանում նրանց»:
Ցուցարարների կողմնակիցները նրանց ուտելիք, ջուր եւ անձրեւանոցներ են բաժանում: