Կարտոֆիլի ֆրիի արտադրման գործարանում Երկրորդ աշխարհամարտի տարիներից մնացած նռնակ է հայտնաբերվել
Նոր Զելանդիայում կարտոֆիլի ֆրիի պատրաստման գործարանի աշխատակիցները պարզել են, որ առարկան, որն իրենք չմաքրված կարտոֆիլի տեղ էին ընդունել, Երկրորդ աշխարհամարտի տարիներից մնացած ուսումնական նռնակ էր, հաղորդում էր UPI-ն:
Օքլենդի մերձակայքում գործող Mr. Chips գործարանի գիշերային հերթափոխի աշխատակիցները հայտնել են, որ 28 տոննա կարտոֆիլ է ագարակից մատակարարվել գործարան:
Ռիչարդ Տեուրուկուրան հետեւելիս է եղել կարտոֆիլի բեռնաթափման գործընթացին գործարանի ընդունման կետում, երբ հայտնաբերել է, որ բանջարեղենի մեջ չլվացված կարտոֆիլ կամ տարօրինակ տեսք ունեցող քար կա:
Վերջինս մաքրել է ցեխի մի մասն առարկայի վրայից եւ այն ցույց տվել գործընկերոջը, որն ասել է, թե դա նռնակի է նման: Ոստիկանություն է կանչվել գործարան: Ոստիկաններն, իրենց հերթին, գործարան են կանչել Նոր Զելանդիայի Պաշտպանության ուժերի պայթուցիկների վնասազերծման խմբի աշխատակիցներին:
Սակրավորները պարզել են, որ առարկան ձեռքի նռնակ է եղել, որը տարածված է եղել Երկրորդ աշխարհամարտի տարիներին: Նռնակն ուսումնասիրվել է ռենտգենով, որի արդյունքում պարզվել է, որ այն պայթող բնույթի չի եղել, այլ կիրառվել է ուսումնական նպատակներով:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սամվել Կարապետյանին կալանավորելու միջնորդություն է ներկայացվել
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով