ԱՄՆ-ում «չկառավարվող» ավիաուղեւորների համար երկրի քաղավիացիայի պատմության մեջ ամենախոշոր տուգանքներն են սահմանել
ԱՄՆ-ում «չկառավարվող» ավիաուղեւորների համար երկրի քաղավիացիայի պատմության մեջ ամենախոշոր տուգանքներն են սահմանել, հաղորդում է BBC-ը։
Հնգանիշ տուգանքներ են սահմանվել բռնության մեջ մեղադրվող երկու ուղեւորի նկատմամբ։
2021թ․ սկզբից ի վեր ամերիկյան ավիաընկերությունները բախվել են ռեկորդային թվով ուղեւորների, որոնք խախտել են կարգը, ընդ որում, շատ միջադեպեր կապված են դիմակ կրելուց հրաժարվելու հետ։
Ուրբաթ տուգանքների մասին հայտարարել է ԱՄՆ տրանսպորտի նախարար Փիթ Բութիջիչը։
Հայտնի է նաեւ անկարգությունների համար նշանակված տուգանքների մասին։
American Airlines-ի ուղեւորներից մեկը ստիպված է եղել 81 950 դոլար տուգանք վճարել բորտուղեկցորդուհուն վնաս պատճառելու սպառնալիքի համար։
Եղել է նաեւ դեպք, երբ ուղեւորներից մեկը, իբր, հրել է ավիաընկերության աշխատակցին եւ փորձել բացել օդանավի դուռը։ Մինչ բորտուղեկցորդուհիները փորձել են հետ պահել նրան, նա մի քանի անգամ հարվածել է աշխատակիցներից մեկի գլխին։
Հայտնի է նաեւ մեկ այլ դեպքի մասին, երբ Delta Air Lines ավիաընկերության օդանավի ուղեւորներից մեկը, իբր, փորձել է «գրկել եւ համբուրել իր կողքին նստած ուղեւորին, քայլել է մինչեւ օդանավի առջեւի մասը՝ փորձելով լքել այն թռիչքի ժամանակ, հրաժարվել է վերադառնալ իր տեղը եւ մի քանի անգամ կծել է մեկ այլ ուղեւորի»։
The View-ին տված հարցազրույցում Բութիջիչն ասել է, որ մինչեւ ապրիլի 18-ը կորոշի՝ արդյոք պետք է երկարաձգել ինքնաթիռներում եւ օդանավակայաններում դեմք կրելու դաշնային պահանջը։