Եղունգների գույնի փոփոխությունը կարող է վկայել սրտի հետ կապված խնդիրների մասին

Սրտի կանգային անվարարությունը (ՍԿԱ) այդքան էլ տարածված չէ, բայց շատ վտանգավոր հիվանդություն է: Հիվանդների կեսը մահանում է ախտորոշումից հետո 5 տարվա ընթացքում, եւ միայն մոտ 30 տոկոսն է հիվանդությամբ ապրում ավելի քան 10 տարի:

Սրտի կանգային անբավարարությունը զարգանում է, երբ սրտի փորոքների խցիկները չեն կարողանում արյունը մղել, ինչպես նախկինում: Սովորաբար դա տեղի է ունենում սրտի մկանների առաձգականության կորստի կամ ուղեկցող հիվանդության պատճառով:

Չնայած հեւոցը եւ սրտի կծկումների հաճախության փոփոխությունը ՍԿԱ-ի ամենատարածված ախտանիշներն է համարվորմ՝ կա շատ ավելի քիչ հայտնի ախտանիշ՝ եղունգների փոփոխությունը: Խոսքը մի վիճակի մասին է, որը հայտնի է որպես Թերիի եղունգներ: Եղունգի մեծ մասը դառնում է գունատ սպիտակ, իսկ ծայրին վարդագույն շերտ է հայտնվում:

Ըստ Indian Journal of Dermatology ամսագրում հրապարակված հետազոտության՝ եղունգների գունաթափումը կարող է առաջանալ արյան մատակարարման նվազման հետեւանքով սրտի կողմից արդյունավետորեն արյուն մղելու անկարողության, ինչպես նաեւ շարակցական հյուսվածքի գերաճի արդյունքում: Ուստի մասնագետները խորհուրդ են տալիս չանտեսել եղունգների հետ կապված խնդիրները եւ ցանկացած տարօրինակություն նկատելու դեպքում խորհրդակցել մասնագետների հետ: